الرئيس مبارك لقي فانوس سحري
قام دعكه فطلعله منه ابليس
قاله: شبيك لبيك تطلب ايه؟
قاله: بص بقي يا عم ابليس
انا عملت فى الشعب بتاعي كل حاجه..
قوللي بقي علي حاجة جديده اعملها !
ابليس قاله: بس كده..بسيطه..
هات ودنك..وش وش وش وش وش
قام الرئيس قاله:
ايه ياعم لعب العيال ده..
ده كلام برضه
قام ابليس قاله: بلاش دي..
هات ودنك…
وش وش وش وش وش
قام الرئيس قاله: ايه يا عم ده …
انت شكلك ابليس نص كم ولا ايه
ابليس قاله :
معقول الفكره دي مش عاجباك!!..
طب خد دي بقي..وش وش وش وش
قام الرئيس قاله :
ياعم انت شكلك كده
لا ليك في العفرته ولا حاجه..
هات ودنك بقي
اقولك انا بعمل ايه في الشعب بتاعي
….وش وش وش وش وش
قام ابليس وشه اصفر
و قاله: يا راجل اتقي الله